ربنا جمّعنا احنا وكل البشرية
علشان نبدأ صوم الميلاد مع رأس السنة الهجرية
يا ريتنا نصلى كلنا بقلوب مؤمنة بصرخة قوية
ونقول:
(يارب حل بسلامك على كل الأراضى المصرية والعربية)
يارب اوقف سيل الدم
وانزع من قلوبنا الالم والهم
وخلى السلام يرجع من تانى يعم
وعزى قلب كل أم..من ضناه اتحرم
بدمع عيونا بنترجاك
يارب رد غنمك التايه..لمرعاك
احنا مالناش امل ولا رجاء فى اى حد سواك
انت وعدت وقولت:ان نسيت الأم رضيعها..انا لن انساك
كلنا منتظرينك
اظهر مجدك
واعلن ذاتك
وشغل يمينك
وانتى يا مصر يا بلدى:رجعينى لحضنك
وحسسينى من تانى بحبك وبحنانك وأمنك
وأوعى تنسى فى يوم من الأيام ان انا ابنك
وانتى امى يعنى حتة منى..وانا برضو حتة منك
ناهد فاروق شاروبيم
